Sveitanámskeið GobbiGobb
Sveitanámskeið GobbiGobb er fyrir krakka á aldrinum 6- 14 ára.
Á námskeiðinu er margt skemmtilegt brallað. Við njótum alls þess besta sem sveitin hefur upp á að bjóða. Á hverjum degi vinnum við eitthvað með hesta. Auk þess förum við niður í fjöru, vöðum og veiðum hornsíli, kynnumst litlum sætum hænuungum og förum í allskonar skemmtilega leiki. Síðasta daginn förum við í ratleik og grillum sykurpúða.
Sú nýlunda verður í ár að við bjóðum upp á framhaldsnámskeið fyrir þá krakka sem hafa komið áður á sveitanámskeið til okkar. Á framhaldsnámskeiðinu byggjum við á þeirri þekkingu sem krakkarnir öðluðust á fyrri sveitanámskeiðum og prófum allskonar nýja hluti.
Á hvert námskeið komast aðeins 10 krakkar.
Námskeiðin eru frá mánudegi til föstudags, frá kl. 9:00-12:00, eða 13:00-16:00.
Verð 18.400 kr.
Hægt er að nýta frístundastyrk Árborgar fyrir þetta námskeið.
Umsjónarmaður námskeiðanna er Sjöfn Þórarinsdóttir, tómstundafræðingur og kennari.
Skráning og nánari upplýsingar er að finna inni á gobbigobb.is/namskeid